Pesë mënyra të sigurta për të qëndruar të varfër

Last updated Oct 3, 2022

Pse njerëzit nuk pasurohen? Pse shumë mbeten të varfër edhe në pension?

Nga Dale Carnegie dhe nga fundi i shekullit të 19-të deri në ditët e sotme, mijëra autorë janë përpjekur t’u përgjigjen këtyre pyetjeve. Nuk mund të jetë një gabim i madh të thuhet se këto përgjigje janë në kulmin e kërkesës sot. Interneti, aksesi në informacion, arsimimi, përvojat e mëdha të gjeneratave të mëparshme kanë kontribuar që njeriu i sotëm të ndihet i lirë financiarisht dhe paratë të jenë lehtësisht të aksesueshme.

Një nga mendimtarët dhe pedagogët më të respektuar për këtë temë, Brian Tracy, i ka bërë të qarta dhe me zë të lartë arsyet pse njerëzit mbeten të varfër. Domethënë, në librin “Pasurohu sipas mënyrës tënde” është marrë me hollësi me pasurimin e shumëdëshiruar. Ai shpjegoi pse mirëqenia financiare i shmanget pjesës më të madhe të popullsisë.

Të varfër një deri në pesë

Arsyeja e parë e sigurt pse do të pensionohesh i varfër është se nuk të shkon kurrë ndërmend se mund të bëhesh i pasur. Kush?! Unë?! Ndoshta sepse nuk jeni rritur pranë të pasurve ose nuk keni takuar dikë shumë të pasur.

Arsyeja e dytë logjikisht pason të parën. Nëse nuk ju ka shkuar kurrë në mendje se JU mund të bëheni të pasur, atëherë nuk keni marrë kurrë vendimin që një ditë do të bëheni të pasur. Më saktë, nëse punoni me vite siç keni bërë, nuk ndryshoni asgjë, do të jetë ashtu siç ka qenë gjithmonë.

E treta është kyçe – edhe nëse ju vjen në mendje të bëheni të pasur dhe të merrni atë vendim, zvarritja do të parandalojë çdo gjë që mund të vazhdojë. Kurrë nuk ke një vit të mbarë, ke një muaj të gabuar, tregu nuk të shkon, kushtet e biznesit janë të këqija. Siç shkruan Brian Tracy, “Zvarritja është vjedhësi i kohës dhe i jetës”.

Së katërti, një arsye shumë e rëndësishme ka të bëjë me disiplinën tuaj për të prolonguar kënaqësinë.

Çfarë saktësisht po mendon Trejsi?

Ai thotë se është një problem i madh nëse nuk mund t’i rezistosh shpenzimeve të gjithckaje që fiton. Dhe më shumë se kaq. Shumica dërrmuese kanë një dëshirë të parezistueshme për të shpenzuar çdo qindarkë që fitojnë, përveç aq sa munden me kredi. “Nëse nuk dini si të kurseni para, nuk keni potencial për ndonjë gjë të madhe”, shkroi Clement Stone, themeluesi i një kompanie të madhe amerikane për sigurim.

Arsyeja e pestë është se ju mendoni dhe punoni ditë për ditë dhe muaj pas muaji në vend që të planifikoni 10 ose 12 vjet në të ardhmen.

Vetë akti i zgjatjes së perspektivës tuaj kohore, siç shkruan Trejsi, akti i të menduarit larg për të ardhmen, ndryshon qëndrimin tuaj. Ju bëheni më të zhytur në mendime kur merrni vendime, vendosni synime më të mëdha dhe afatgjata, zhvilloni durim dhe këmbëngulje. Ju bëheni një person më i mirë dhe më pozitiv. E tillë është mënyra e të menduarit të njerëzve që shkojnë përpara e lart gjatë gjithë jetës së tyre.

Dhe në këtë, një nga dhjetëra librat e firmosur nga Brian Tracy, një mësues dhe biznesmen i madh, ai dëshmon se pasuria fillon nga koka.

Përmblodhi dhe përshtati;