Çka nënkupton të jesh me çrregullim bipolar

Çrregullimi bipolar është një sëmundje mendore, që ndikon në gjendjen emocionale dhe shpirtërore të njeriut, me zhvendosje ekstreme të humorit.
Çrregullimi bipolar njihet gjithashtu si depresion maniak. Njerëzit me këtë çrregullim mund të kenë probleme në menaxhimin e detyrave të jetës së përditshme në shkollë ose në punë, ose në mbajtjen e marrëdhënieve. Nuk ka shërim, por ka shumë mundësi trajtimi që mund të ndihmojnë në menaxhimin e simptomave.

Faktet e çrregullimit bipolar

Çrregullimi bipolar nuk është një çrregullim i rrallë i trurit. Në fakt, 2.8 përqind e të rriturve në SHBA – ose rreth 5 milion njerëz – janë diagnostikuar me të. Mosha mesatare kur njerëzit me çrregullime bipolare fillojnë të shfaqin simptoma është 25 vjeç.
Depresioni i shkaktuar nga çrregullimi bipolar zgjat të paktën dy javë. Një episod i lartë (maniak) mund të zgjasë për disa ditë ose javë. Disa njerëz do të përjetojnë episode të ndryshimeve në humor disa herë në vit, ndërsa të tjerët mund t’i përjetojnë ato vetëm rrallë. Ja se si ndihet të kesh çrregullim bipolar për disa njerëz.

Simptomat e çrregullimit bipolar:

Ekzistojnë tre simptoma kryesore që mund të ndodhin me çrregullime bipolare: mania, hipomania dhe depresioni.

Ndërsa përjeton mani, një person me çrregullim bipolar mund të ndihet shumë emocional. Ata mund të ndjehen të ngazëllyer, impulsivë, euforikë dhe me plot energji. Gjatë episodeve maniake, ata gjithashtu mund të kryejnë sjellje që sjellin pasoja në jetë

Hipomania në përgjithësi shoqërohet me çrregullim bipolar II. Është e ngjashme me maninë, por nuk është aq e rëndë. Ndryshe nga mania, hipomania nuk mund të rezultojë në ndonjë telashe në punë, shkollë ose në marrëdhëniet shoqërore. Sidoqoftë, njerëzit me hipomani ende vërejnë ndryshime në disponimin e tyre.

Gjatë një episodi depresioni mund të përjetoni: trishtim të thellë, gjendje të pashpresës, humbje të energjisë, mungesë të interesit për aktivitetet që dikur gëzonin, gjum të pamjaftueshëm, mendime vetëvrasëse. Megjithëse nuk është një gjendje e rrallë, çrregullimi bipolar mund të jetë i vështirë për tu diagnostikuar për shkak të simptomave të tij të ndryshme.

Përgatiti dhe përshtati:
WWW.STUDENTET.MK