Pijet me sheqer, duke përfshirë edhe lëngjet me 100% përmbajtje frutash, mund të rrisin rrezikun e kancerit

604

Një studim i ri vëzhgimor gjen një lidhje midis konsumit të pijeve me sheqer, duke përfshirë lëngjet me 100 për qind përmbajtje frutash dhe rrezikun e kancerit.

Për disa kohë, hulumtuesit kanë lidhur pijet me sheqer, me një gamë të gjerë rreziqesh për shëndetin.

Trashja, diabeti i tipit 2 dhe sëmundjet kardiovaskulare janë vetëm disa nga kushtet që studimet e mëparshme i kanë lidhur me pijet që përmbajnë sheqer.

Disa studime tek brejtësit kanë sugjeruar se sheqeri i shtuar në pije të frutave mund të nxisë përhapjen e kancerit dhe nxitjen e rritjes së tumorit.

Tani, hulumtimet e reja vazhdojnë edhe më tej duke zbuluar lidhjen midis pijeve me sheqer dhe kancerit. Studimi vëzhgimor, që shfaqet në “The BMJ”, gjen një lidhje midis konsumimit të lartë të pijeve me sheqer dhe kancerit.

Eloi Chazelas, nga Qendra e Kërkimeve të Statistikave të Epidemiologjisë së Parisit në Francë, është autori i parë i studimit.

Studimi i pijeve të sheqerit dhe rrezikut të kancerit

Chazela dhe ekipi kanë ekzaminuar lidhjet ndërmjet marrjes së pijeve me sheqer dhe formave të ndryshme të kancerit në mesatarisht 101,257 të rritur francezë në moshë përafërsisht 42 vjeçare. Hulumtuesit morën të dhënat nga studimi NutriNet-Santé.

Pijet që ata ekzaminonin përfshinin “pije me bazë sheqeri” të tilla si pije të fruatve, shurupe, lëngje frutash 100% pa sheqer të shtuar, pije me sheqer me bazë qumështi, pije sportive dhe pije energjetike.

Hulumtuesit gjithashtu konsideruan pije artificialisht të ëmbëlsuar të gjitha pijet që përmbajnë ëmbëlsues jo natyrorë.

Duke përdorur pyetësorët e ushqimit në internet, studiuesit vlerësuan konsumimin e pjesëmarrësve të 3,300 llojeve të ndryshme të ushqimeve dhe pijeve. Për më tepër, vëzhgimi klinik i pjesëmarrësve vazhdoi për 9 vjet.

Gjatë kësaj kohe, kërkuesit shqyrtuan rrezikun e “kancerit të përgjithshëm, të gjirit, prostatës dhe kancerit kolorektal.”

Chazela dhe kolegët llogaritën konfuzorët e mundshëm, duke përfshirë moshën, gjininë, arsimin, rrezikun e trashëguar të kancerit dhe faktorët e jetesës – siç janë pirja e duhanit dhe modelet e stërvitjes.

Një rrezik 22% më i lartë i kancerit të gjirit

Gjatë periudhës pasuese, 2.193 njerëz kishin zhvilluar kancerin për herë të parë; ata ishin mesatarisht 59 vjeç në kohën e diagnozës. Ndër të gjitha këto raste ishin 693 të kancerit të gjirit, 291 të kancerit të prostatës, dhe 166 kancer kolorektal.

Analiza zbuloi se për një rritje ditore prej 100 mililitra në marrjen e pijeve me sheqer, rreziku i kancerit të përgjithshëm u rrit me 18% dhe rreziku i kancerit të gjirit u rrit me 22%.

Kur studiuesit analizuan rrezikun e lëngjeve me përmbajtje 100 për qind të frutave veç e veç, këto gjithashtu ngritën rrezikun e kancerit të përgjithshëm dhe kancerit të gjirit. Megjithatë, studimi nuk gjeti lidhje me kancerin kolorektal ose kancerin e prostatës.

Në të kundërt, pije dietike nuk rrisin rrezikun e kancerit.

Kufizime të tjera përfshijnë paaftësinë për të përcaktuar shkakun dhe faktorët potencial të matjes. Megjithatë, autorët spekulojnë se pijet me sheqer mund të rrisin rrezikun e kancerit, sepse sheqeri ndikon në yndyrë, sheqerin në gjak dhe inflamatorët – të gjitha studimet e mëparshme kanë lidhje me rrezikun më të lartë të kancerit.

Studimi përfundon se:

“Këto të dhëna mbështesin rëndësinë e rekomandimeve ekzistuese, ushqyese, për të kufizuar konsumin e pijeve me sheqer, duke përfshirë edhe lëngjet me 100 për qind përmbajtje frutash, si dhe veprimeve ligjore, të tilla si kufizimet e taksave dhe marketingut që synojnë pijet me sheqer, të cilat potencialisht mund të kontribuojnë në reduktimin e incidencës së kancerit”.

Përmblodhi dhe përshtati

STUDENTET.MK

Comments are closed.