Kompanitë më të mëdha “gëlltisin” ato më të voglat, një faktor është kyc

Duke gjykuar nga dinamika me të cilën kompanitë më të mëdha “gëlltisin” ato më të voglat, 2021 është një vit për marrjen e konkurrentëve dhe konsolidimin e bizneseve. Një verë shumë dinamike e ka bërë këtë vit potencial për të thyer rekord përsa i përket vlerës së bashkimeve dhe blerjeve në të gjithë botën.

Sipas Financial Times, bashkimet dhe blerjet prej gati 4 trilion dollarësh janë rënë dakord që nga fillimi i vitit, pasi kompanitë nxitojnë të përfitojnë nga një periudhë e huave shumë të lira dhe rritjes së fitimeve. Gushti zakonisht konsiderohet kulmi i përgjumjes së verës. Por muajin e kaluar, vlera e bashkimeve dhe blerjeve globale arriti në 500 miliardë dollarë, raporton Poslovni Dnevnik.

Arsyeja është një kombinim i kostove të ulëta të huamarrjes, miliarda dollarë që kanë  në dispozicion  fondet për investime të rezikshme dhe kthimi i  instinkteve të  menaxhimit të kompanive të  mëdha globale.

Sa i përket vitit 2019, deri në fund të gushtit, u përfunduan transaksione me vlerë 2.6 trilion dollarë. Nëse ky trend vazhdon, 2021 mund të jetë më e  mirë se rekordi i vitit 2007 prej 4.3 trilion dollarë në bashkime dhe blerje.

Tendenca e fortë e bashkimeve dhe blerjeve ndikon gjithashtu në të ardhurat e bankave të mëdha të Wall Street. Në tremujorin e dytë, JPMorgan gjeneroi rekord prej 3.6 miliardë dollarësh prej investimeve globale. Të ardhurat nga provizionet te Goldman Sachs u rritën për një të tretën.

Firmat juridike gjithashtu përparuan dhe shumë prej tyre raportuan fitime rekord.

Më aktivi është sektori i teknologjisë, i cili merr pjesë me 21 përqind në vlerën vjetore të transaksioneve, krahasuar me 16 përqind vitin e kaluar.

Përmblodhi dhe përshtati:

STUDENTET.MK